Məhəmməd peyğəmbərin karikaturasını yayımlayan redaksiyaya silahlı hücum

Redaksiyaya silahlı hücum təşkil olunub.

Ölkə.Az dünya mətbuatına istinadən xəbər verir ki, Məhəmməd peyğəmbərin karikaturalarını yayımlayan "Charlie Hebdo" jurnalının Parisdəki redaksiyasına silahlı hücum təşkil edilib. Hücum nəticəsində 11 nəfər həyatını itirib, 5-i ağır olmaqla, 15 şəxs yaralanıb.

Yerli KİV-lər xəbər verir ki, hücum iki və ya üç nəfər tərəfindən reallaşdırılıb. Onlar hadisə yerindən uzaqlaşıblar.

"Le Figaro" qəzeti yazır:

"Təqribən 14:30-da "kalaşnikov" və qumbaraatanla silahlanmış iki şəxs Fransanın 11 dairəsində yerləşən "Charlie Hebdo" redaksiyasına gəliblər. Təhlükəsizlik qüvvələri ilə qarşılıqlı atəş açılıb"

Nəşr qeyd edir ki, yaxınlarda ölkə hökumətinin təcili iclası keçiriləcək.

Jurnal dəfələrlə Məhəmməd peyğəmbərin karikaturalarına görə etiraz və nümayişlərə səbəb olmuşdu. 2011-ci ildə noyabrda jurnal növbəti dəfə öz sayını islam hüququna həsr etmişdi. Bundan sonra redaksiya qarşısında kütləvi nümayiş baş vermişdi. Etirazçılar "Charlie Hebdo" binasını yandırmışdılar.

Rəşid Mustafazadə

Ölkə.Az