Yəməndə terror aktı baş verdi
Yəməndə terakt nəticəsində 50 nəfər ölüb.
Ölkə.Az "Sky News Arabiya" telekanalına istinadən xəbər verir ki, Yəmənin paytaxtı Sənada minalanmış avtomobilin partlaması nəticəsində 50-dən çox insan həlak olub. Bir müddət öncə "Reuters" agentliyi ölənlərin sayının 31 olduğunu bildirmişdi. Yerli medianın yaydığı məlumata əsasən, partlayış kollecə qəbul olmaq istəyən yüzlərlə abituriyentin təhsil müəssisəsinin binasının qarşısına toplaşdıqları an baş verib.
Xatırladaq ki, iki gün öncə ölkənin cənub-qərbində yerləşən Damar şəhərində də terakt olmuşdu. Nəticədə bir jurnalist və 5 nəfər dinc sakin həyatını itirmişdi.
Rəşid Mustafazadə
Ölkə.Az
