Nazarbayev Merkellə müzakirələr aparacaq

Nazarbayev Merkellə Berlində ukrayna münaqişəsini müzakirə edəcək.

Ölkə.Az Rosbalt agentliyinə istinadən xəbər verir ki, Qazaxıstan prezidenti Nursultan Nazarbayev 9 yanvarda Almaniya kansleri Angela Merkellə danışıqlar üçün Berlinə səfər edəcək. AFR hökumətinin rəsmi nümayəndəsi Şteffen Zaybertin verdiyi xəbərə görə, görüş ukrayna münaqişəsinin nizamlanması və Astanada "normand formatında" mümkün danışıqların hazırlıq prosesinə həsr olunacaq.

Almaniya rəsmisi 15 yanvar tarixində Astanada danışıqların keçirilməsi məsələsinə də toxunub:

"Mən hələlik bu görüşün keçirilib-keçirilməyəcəyini deyə bilmərəm. Mühüm olan odur ki, o görüşdə konkret nəticələr əldə olunsun", - deyə o qeyd edib.

Rəşid Mustafazadə

Ölkə.Az