Fransada məscid yaxınlığında partlayış baş verdi

"Charlie Hebdo" redaksiyasına hücuma cavab?

Ölkə.Az "France Press" agentliyinə istinadən xəbər verir ki, bu gün səhər saatlarında Fransanın cənubunda məscid yaxınlığındakı restoranda partlayış baş verib.

Bildirilir ki, partlayış Vilfranş-sür-Son şəhərində yerləşən kiçik kababxana-restoranında qeydə alınıb. Yerli hakimiyyət orqanlarından mənbə bildirir ki, hadisə kriminal xarakter daşıyır və "Charlie Hebdo" redaksiyasına hücumla heç bir əlaqəsi yoxdur. Partlayış nəticəsində ölən və yaralanan yoxdur.

Xatırladaq ki, dünən səhər saatlarında 3 nəfər şəxs satirik "Charlie Hebdo" jurnalının redaksiyasına daxil olaraq 12 nəfəri qətlə yetirmiş, 11 nəfəri isə yaralamışdı. Hadisənin motivi kimi Məhəmməd peyğəmbərin jurnalda dərc olunan karikaturaları göstərilir.

Rəşid Mustafazadə

Ölkə.Az