İŞİD-çilər baş redaktoru təhdid edir

Tacikistanın "Payk" qəzetinin baş redaktoru islamçılar tərəfindən təhdid olunduğunu bəyan edib.

Ölkə.Az-ın news.tj saytına istinadən verdiyi xəbərə görə, Tacikistanın "Payk" qəzetinin baş redaktoru İŞİD-də vuruşan Abu Xolid Kulobi tərəfindən təhdid olunduğunu bəyan edib.

"Onun Kulyabdakı tərəfdarları dəfələrlə bizi təhdid ediblər. Lakin ilk dəfə mənə özünü Nusratullo Nazarov kimi təqdim edən şəxs zəng vuraraq bildirib ki, o, Suriyada Abu Xolid Kulobi təxəllüsü ilə vuruşur və bəyan edib ki Kulyaba qayıdan kimi bizim ofisi yandıracaq", - deyə "Payk" qəzetinin baş redaktoru Əhməd İbrohim bildirib.

Tacik mətbuatında qeyd olunur ki, Abu Xolid Kulobi və ya Nusratullo Nazarov mütəmadi olaraq Tacikistanda müharibə çağırışları edən videomüraciətlərlə çıxış edib.

Rəşid Mustafazadə

Ölkə.Az