Çindən Latın Amerikasına böyük yatırım

Ölkə.az BBC-yə istinadən xəbər verir ki, Çin Latın Amerikasına iqtisadi ekspansiyaya start verib.

Telekanalın hazırladığı materialda bildirilir ki, Çinin müxtəlif, həm dövlət, həm də özəl şirkətləri tərəfindən 2020-ci ilə qədər Latın Amerikası ölkələrinə ümumilikdə 250 milyard dollarlıq sərmayə yatırılacaq.

Bu haqda Çin lideri Si Çzinpin Pekində keçirilən Latın Amerikası və Karib hövzəsi ölkələrinin dövlət başçılarının sammitindəki çıxışı zamanı məlumat verib.

Çinin sərmayə qoyacağı ölkələr arasında əsas yeri Venesuela tutur. Çin şirkətləri bu ölkədə neft sektorundan tikinti sektoruna qədər bir sıra sahələrə böyük məbləğdə investisiyalar ayıracaqlar.

Qeyd edək ki, neftin qiymətlərinin düşməsindən ən çox əziyyət çəkən ölkələrdən biri olan Venesuela prezidenti Maduro yaxınlarda Pekinin ölkəsinə 20 milyardlıq maliyyə tranşı ayıracağını bildirmişdi. Bu isə artıq ABŞ-ın qulağın dibində Çinin ona meydan oxuması deməkdir. Vaşinqtonda isə hələlik Pekinin bu addımını şərh etməyiblər.

Ölkə.az