Eyfel qülləsinin işıqları söndü
Parisdəki məşhur Eyfel qülləsinin işıqları söndürülüb.
Ölkə.az "FrancePresse" agentliyinə istinadən xəbər verir ki, son hadisələrin qurbanlarının xatirəsini yad etmək üçün şəhərin simvoluna çevrilmiş Eyfel qülləsinin işıqları söndürülüb.
Məlumata görə qüllənin işıqları beş dəqiqəlik söndürülüb və bununla ölkədə baş vermiş son hadisələr zamanı ölmüş Fransa vətəndaşlarının xatirəsi yad edilib.
Xatırladırıq ki, 7 yanvar tarixində 3 naməlum şəxs, əvvəllər Məhəmməd peyğəmbərin karikaturalarını dərc etmiş "Charlie Hebdo" qəzetinin Parisdəki redaksiyasına daxil olaraq oradakı əməkdaşları qətlə yetirmişdilər. Hücum zamanı baş redaktor da daxil olmaqla 12 redaksiya əməkdaşı öldürülmüş, 11 nəfər isə yaralanmışdı.
Ölkə.az
