Hamburq küçələrini sel basdı
Almaniyanın Hamburq şəhəri leysan yağışlar səbəbindən su altında qalıb.
“Ölkə.Az” xəbər verir ki, 15 dəqiqə davam edən leysan yağış bir küçənin və evin su altında qalmasına səbəb edib. Bəzi yerlərdə isə yağışla birlikdə dolu da yağıb.
Bergedorf və Mümmelmansberq səmtlərində daha təsirli olan yağış Bille çayının daşmasına səbəb olub. Çayın kənarındakı evlərin bir çoxu su altında qalıb.
Sakinlər təxliyə edilib. Bəzi küçələr sel səbəbindən bağlanıb. Qatar və avtobus reysləri təxirə salınıb.
Hikmət Həsənov
Ölkə.Az
