ABŞ hərbi xərclərini 20% azaldır

ABŞ 2016-cı il üçün hərbi büdcəsini açıqlayıb.

Ölkə.az "Bloomberg" portalına istinadən xəbər verir ki, 2016-cı ildəki ABŞ hərbi büdcəsindəki xərclər 2015-ci ildəki büdcədən 20% azdır.

2016-cı ildə ABŞ xaricdəki hərbi kontingentinin saxlanmasına və xaricdə planlaşdırdığı hərbi əməliyyatlar üçün 51 milyard dollar vəsait ayıracaq.

Xatırladırıq ki, 2015-ci ildə ABŞ ordusunun xaricdə həyata keçirdiyi hərbi əməliyyatlara 64 milyard dollar vəsait xərclənmişdi.

Ekspertlər xərclərin azalmasını ABŞ qoşunlarının Əfqanıstanı və İraqı tərk etməsindən sonra xaricdəki kontingentin və hərbi əməliyyatların azalması ilə əlaqələndirirlər.

Qeyd edək ki, ABŞ-ın 2015-ci ildə ümumi hərbi xərcləri 577 milyard dollar təşkil etmişdi, 2016-cı ildə isə bu rəqəmin 534 milyard dollar olacağı gözlənilir.

Ölkə.az