Koalisiya qüvvələrindən Suriyaya ikinci zərbə
ABŞ-ın rəhbərlik etdiyi beynəlxalq koalisiyanın Suriyanın Əl-Həsəkə vilayətinə endirdiyi aviazərbə nəticəsində 9 nəfər ölüb.
"Ölkə.Az" “RİA Novosti”yə istinadən xəbər verir ki, zərbə Əl-Həsəkə şəhərindən cənub-şərqdə yerləşən Hidaj kəndinə endirilib. Yerli televiziyanın məlumatına görə, raketlərin fərdi evlərə dəyməsi nəticəsində 4 uşaq və 5 qadın ölüb.
Qeyd edək ki, mayın 1-də ABŞ-ın rəhbərlik etdiyi beynəlxalq koalisiyanın Əl-Həsəkə əyalətindəki Əl-Fadel yaşayış məntəqəsinə endirdiyi aviazərbə nəticəsində 25 nəfər ölmüşdü. Bundan bir gün əvvəl isə koalisiyanın Hama əyalətinə endirdiyi zərbə nəticəsində 38 nəfər ölüb, 57 nəfər yaralanmışdı.
Ölkə.Az
