Şimal və Cənub yenə də sərhəddə görüşəcək
Cənubi Koreya və Şimali Koreya 16 may tarixində yenidən yüksək səviyyəli görüş keçirəcək.
“Ölkə.Az” xəbər verir ki, görüş Pxanmuncom danışıq məntəqəsində baş tutacaq. Bu barədə Cənubi Koreyanın milli birlik məsələləri üzrə nazirliyi məlumat yayıb:
“Şimali Koreya və Cənubi Koreyanın yüksək səviyyəli nümayəndələri sülh bəyannaməsi, inkişaf və Koreya yarımadasının birləşməsi üçün Pxanmuncomda 16 may tarixində görüş keçirəcək”.
Bir müddət əvvəl isə bu görüş təşəbbüsü ilə Şimali Koreya tərəfinin Cənubi Koreyaya müraciət etdiyi bildirilmişdi.
Görüş zamanı Qırmızı Xaç xətti ilə dialoqun bərpası, qohumların görüşü məsələsinin də müzakirə ediləcəyi gözlənilir.
Hikmət Həsənov
Ölkə.Az
