Mətn ölçüsü:
  • 100%

Hizbullahın lideri: Ekstremizm İslamı karikaturalardan daha çox təhqir edir

“Onlar İslama tarix boyu heç kimin yetirmədiyi xələli yetiriblər”.

Livanın Hizbullah qruplaşmasının lideri bəyan edib ki, İslam ekstremistləri İslamı və Məhəmməd peyğəmbəri satirik jurnalda karikatura dərc edərək dinə gülənlərdən daha çox təhqir ediblər.

Şeyx Həsən Nəsrullah Parisdə 12 nəfərin həlak olması ilə nəticələnən “Charlie Hebdo” jurnalının redaksiyasına hücumdan birbaşa danışmadan qeyd edib ki, ekstremistlər insanların başlarını kəsməklə (İraq və Suriyada yaraqlıların vəhşilikləri nəzərdə tutulur) İslama tarix boyu heç kimin yetirmədiyi xələli yetiriblər.

Şeyx Nəsrullah vido-müraciətlə cümə günü Beyrutun cənub hissəsində tərəfdaşları qarşısında çıxış edib.

Şeyx Nəsrullahın şiə qruplaşması Suriyada prezident Bəşər Əsədin tərəfində mübarizə aparır.

Onun bəyanatı Qərb ölkələrinə hücuma çağıran “İslam Dövləti” (İŞİD) və “Əl-Qaidə” yaraqlılarının liderlərinin bəyanatlarından kəskin şəkildə seçilir.(Oxu.az)

Ölkə.Az