Qara qutu tapıldı

İndoneziyanın Dəniz Nəqliyyatı üzrə Direktorlar Şurasının rəhbəri Tonni Budiono “AirAsia QZ8501” təyyarəsinin qara qutusunun tapıldığını təsdiq edib. İndoneziya hakimiyyət orqanlarının bazar günü (11 yanvar) yaydığı press-relizdə belə deyilir. 

Bu barədə məlumatı “channelnewsasia.com” saytı yayıb.

Sinqapur-Surabaya-reysi ilə uçan təyyarə iki həftə əvvəl 162 sərnişinlə birlikdə qəzaya uğramışdı. Dalğıclar qara qutunu 30-32 metr dərinlikdən tapıblar. Qara qutunun vəziyyəti yaxşı deyil. 

Buna baxmayaraq, mütəxəssislər oradakı qeydləri bərpa edə biləcəklərini düşünürlər. Bu isə qəzanın səbəbinin aydınlaşdırılması üçün son dərəcədə vacibdir. (aznews.az)

Ölkə.Az