Ermənilərin yeni ümid yeri

Rusiya Federal Miqrasiya Xidmətinin rəhbəri Konstantin Ramadanovskiy bəyən edib ki, 2015-ci ilin əvvəlində Rusiyaya gələn miqrant axınında 70% azalma müşahidə olunub.

Ölkə.az Rusiya mediasına istinadən xəbər verir ki, Ramadanovski bunu həm miqrantlar haqqında qanunun sərtləşdiriliməsi, həm də Rusiyadakı iqtisadi böhran, rublun devalvasiyası ilə əlaqələndirib.

Rusiyadakı bu vəziyyət erməniləri əl-ayağa salıb. Ağır iqtisadi böhranla əlləşən Rusiyada işləməyin və pul qazanmağın artıq mümkün olmayacağını anlayan ermənilər acından ölməmək üçün alternativ mənbələr axtarmağaq başlayıblar.

Ermənistan KİV-lərinin bu gün ən diqqətdə saxladığı bu məsələni müxtəlif şəkildə şərh edənlər var. Amma məsələnin maraqlı tərəfi əksər erməni politoloqlarının erməni qastarbayterləri üçün yeganə çıxış yolunun Türkiyə olduğunu söyləməsidir. Artıq bu gündən Avrasiya İqtisadi İttifaqının və Gömrük Birliyinin qanunları ilə yaşamalı olan Ermənistanda sosial-iqtisadı vəziyyətin daha da kritikləşəcəyi, işsizliyin aclığa və səfalətə aparıb çıxaracağı göz önündədir. Özlərini tələyə salmış ermənilərin isə faktiki olaraq Türkiyədən başqa çıxış yolları yoxdur.

Ölkə.az