Orxan Pamuk: "Söz azadlığı uğrunda ayağa qalxmalıyıq"

Orxan Pamuk: "Xristianlar və müsəlmanlar yan-yana sülh içində yaşaya bilərlər"

Ölkə.Az "İnopressa"ya istinadən xəbər verir ki, Nobel mükafatı laureatı, türk yazıçı Orxan Pamuk "Charlie Hebdo"ya hücumdan sonra Avropada islamofobiyanın eskalasiya edilməsindən qorxduğunu bildirib.

""Charlie Hebdo"ya hücum mənim kimi xristianların müsəlmanlarla yan-yana Avropada sülh içində yaşaya biləcəyini düşünən insanlara vurulan zərbədir. Bu hücum mövcud birgəyaşayışa ümidin öldürülməsinə cəhddir. Söz azadlığının təhlükə altında olduğu ölkələrdə satirik jurnalların möhkəm ənənəsi mövcuddur. Türkiyədə bu cür jurnallar hər zaman təzyiq altındadırlar. Söz azadlığını təkcü yazıçılar müdafiə etməməlidir. Bu hər birimiz üçün borcdur. Bütün dünyaya bizim mədəniyyətimiz və yaşadığımız dünyalar haqqında məlumat vermək borcu. Biz söz azadlığı üçün ayağa qalxmalı və müdafiə etməliyik", - deyə Pamuk "The Times"ın səhifələrində yazıb.

Məqalənin sonunda Pamuk qeyd edib ki, Avropanın tələyə düşməyəcəyinə əmindir:

"Mən əminəm ki, Avropa tələyə düşməyəcək və öz qəzəbini bütün müsəlmanlara birdən göstərməyəcək. Ümid edirəm ki, bu qəddar hücumların eskalasiyası olmayacaq, ancaq qorxuram ki, eskalasiya ola da bilər", -deyə Nobel mükafatçısı əlavə edib.

Rəşid Mustafazadə

Ölkə.Az