Erməni ailəsini qətlə yetirməkdə şübhəli bilinən şəxs saxlanıldı

O, Türkiyə ilə sərhəddə saxlanılıb.

Ölkə.Az erməni mətbuatına istinadən xəbər verir ki, Gümrüdə bir ailəni qətlə yetirməkdə şübhəli bilinən rus hərbçisi saxlanılıb. Bir ailənin 6 üzvünü öldürməkdə ittiham olunan Ermənistanda rus hərbi bazasının hərbçisi Valeriy Permyakov polislər tərəfindən tutulub. Bu barədə məlumat polisin mətbuat xidməti tərəfindən təsdiqlənib.

"Şübhəli şəxs sərhədçilər və hüquq-mühafizə orqanlarının birgə fəaliyyəti nəticəsində Türkiyə ilə sərhəddə saxlanılmışdı", - deyə mətbuat xidməti məlumat verib.

Xatırladaq ki, ötən gün Ermənistanın Gümrü şəhərində 6 nəfərdən ibarət ailə güllələnmişdi. Ailənin 6 üzvü - ər, arvad, onların oğlu və qızı, eyni zamanda, gəlin və azyaşlı nəvə qətlə yetirilmişdi. Qadınlardan birinin cəsədinin yanında yaralı körpə aşkar olunmuşdu.

Qeyd edək ki, silahlanmış cinayətkar axtarışda idi.

Rəşid Mustafazadə

Ölkə.Az