Ermənilər etiraz edir: "Putin üzr istəsin!"

Rusiya səfirinin geri cağırılması tələb edilib.

Ölkə.Az "Armenia Today" agentliyinə istinadən xəbər verir ki, Rusiyanın Ermənistandakı səfirliyinin binası qarşısında Gümrüdə bir ailənin 6 üzvünün qətlə yetirilməsi ilə bağlı etiraz aksiyası keçirilir. Etirazçılar rus hərbi bazasının ölkə ərazısındən çıxarılması və Rusiya səfirinin geri cağırılmasını tələb edirlər.

"Biz Ermənistan vətəndaşları olaraq Rusiya Federasiyasından bu cür qeyri-insani cinayəti törətmiş şəxsin Ermənistanda yerləşən rus hərbi bazasında necə hrəbi xidmət keçdiyinə dair rəsmi izahat tələb edirik Biz RF-in Hərbi qüvvələrinin ali baş komandanı olan Rusiya prezidentindən tələb edirik ki, o, rəsmi şəkildə erməni xalqından üzr istəməyini və rus bazasını Ermənistan ərazisindən çıxarsın", - deyə etirazçılar bildiriblər.

Xatırladaq ki, dünən Gümrü şəhərinin Myasnikyan küçəsində bir ailənin 6 üzvünün meyiti tapılıb. Bu hadisədə Gümrüdəki Rusiya bazasının hərbçisi Valeri Pavloviç Permyakovun şübhəli bilindiyi məlum olub.

Rəşid Mustafazadə

Ölkə.Az