Deputatlar Antarktidada yoxa çıxdı

Rusiyalı deputatlar Antarktidada yoxa çıxıb.

Ölkə.Az "Slon.ru"ya istinad edərək xəbər verir ki, Dövlət duması deputatları və "Vahid Rusiya" partiyasının üzvləri Aleksandr Sidyakin və Oleq Savçenko Antarktidada yoxa çıxıblar. Bu barədə məlumatı Twitterdə Sidyakinin mətbuat katibi yazıb.

"Salam. Mənim adım Paveldir və mən Aleksandr Qennadyeviçin mətbuat katibiyəm. O və deputat Savçenko Antarktidadan əlaqəyə girməyiblər. Qorxuram ki, bəladı", - deyə Sklyançuk bildirib.

Mətbuat katibi bildirib ki, Sidyakin və Savçenko Antarktidanın ən yüksək zirvəsi hesab olunan Vinson pikinə qalxmalı idilər. Deputatlar təlim düşərgəsindən bələdçinin müşayiəti ilə yola düşmüşdülər. Onlar əlaqəyə girməli olsalar da, nədənsə bu baş vermədi.

Qeyd edək ki, Antarktidada hal-hazırda havanın temperaturu təqribən -45 dərəcədir və güclü küləklər müşahidə olunmaqdadır.

Ölkə.Az