İstandulda özünü partladan qız haqqında faktlar üzə çıxdı

KİV: İstanbulda özünü partladan qızın anası onu tanıdı.

Ölkə.Az "LifeNews"a istinadən xəbər verir ki, İstanbulda terror aktı törətməkdə şübhəli bilinən Diana Ramazanovanın qohumları onu şəkildən tanıyıblar. Bundan əlavə, Diananın anası Rayzanatdan DNT testinin keçirilməsi üçün qan nümunələri götürülüb. Bu haqda məlumat hüquq-mühafizə orqanlarından verilib.

Genetik ekspertiza İnterpolun xətti ilə aparılacaq. Türkiyə xüsusi xidmət orqanları kamikadze xanımın biomaterialını müqayisə etmək məqsədilə Rusiyadakı həmkarlarına göndərəcək.

Məlumata görə, 18 yaşlı Diana Ramazanova Dərbənd şəhərində anadan olub. O, ailəsi ilə birlikdə Moskvaya köçüb və mağazada aparıcı işləməyə başlayıb. Təqribən bu vaxtda Diana internet vasitəsilə İdris adlı kişi ilə tanış olub. O, Türkiyədə yaşayıb və çox güman ki, terrorçular üçün "verbovka" edirmi. Təqribən il yarım əvvəl Diana İdrisin yanına gedərək onunla ailə qurub.

Təhqiqatın versiyasına əsasən, Türkiyədə gənc qızı Rusiyanın ərazisində terakt həyata keçirməyə məcbur ediblər, lakin müəyyən edilməmiş səbələrdən Diana Ramazanova İstanbulun polis şöbələrindən birində özünü partladıb.

Xatırladaq ki, Diana pul qabını itirmək bəhanəsiylər binaya daxil olmuşdu. İçəri girər-girməz o, partlayıcını işə salmışdı. Nəticədə iki polis yaralanıb, kamikadze isə dünyasını dəyişmişdi. Sonradan polis əməkdaşlarından biri xəstəxanada ölmüşdü.

Rəşid Mustafazadə

Ölkə.Az