İslamı qəbul edən kanadalıların sayı artıb

Ottavalı imam: "İslamı qəbul edənlərin sayı durmadan artır"

Ölkə.Az "Al-Arabia" telekanalına istinadən xəbər verir ki, Ottava məscidinin imamı Kanada parlamentinə edilmiş terror hücumundan sonra islamı qəbul etmiş kanadalıların artdığını bildirib. O, qeyd edib ki, oktyabr ayının sonunda teraktın baş verməsindən dərhal sonra 15-20 nəfər gənc müsəlman olmaq üçün məscidə təşrif buyurub.

İslam liderlərini narahat edən fakt isə islamı qəbul edənlərin Quranı öyrənmək üçün yenidən məscidə qayıtmamasıdır.

"Onlarla əlaqə saxlamağa, əlaqə nömrələrimizi verməyə çalışırıq. Ancaq islamı yenicə qəbul etmiş gənclər bir daha məscidə qayıtmırlar. Bu bizi çox narahat edir", - deyə imam bildirib.

Xatırladaq ki, oktyabrda terakt həyata keçirmiş Maykl Zehaf-Bibo islamı qəbul etmiş kanadalı idi. O, müsəlman olmazdan əvvəl cinayətkarlıqla məşğul olurdu.

Rəşid Mustafazadə

Ölkə.Az