Cinsiyyətini öyrənmək üçün soyunmağa məcbur etdilər

Afrikalı futbolçunu cinsiyyətini isbat etmək üçün soyunmağa məcbur ediblər.

Ölkə.Az "BBC Sport"a istinadən xəbər verir ki, Ekvatorial Qvineyanın qadınlardan ibarət futbol yığmasının hücumçusu Jenoveva Anonma cinsiyyətini sübüt etmək məqsədilə soyunmağa məcbur edilib.

"Məni Afrika futbol konfederasiyası nümayəndələri və yığmamızın üzvləri qarşısında tamamilə soyunmağa məcbur etdilər. Mən çox məyus olmuşdu. Bu çox alçaldıcıdır. Mən hətta ağlayırdım", - deyə qadın futbolçu danışıb.

Konfederasiya rəhbərliyi Jenovevanın güclü oyun tərzindən şübhələnərək onun qadın olmadığını düşünüb. Bununla yanaşı, futbolçunun sözlərinə görə, ona heç vaxt cinsiyyət testindən keçmək təklif edilməyib.

27 yaşlı idmançı 2002-ci ildən Ekvatorial Qvineya komandasında çıxış edir. O, milli komanda üçün 32 oyun keçirib və 18 qol vurub. Klub səviyyəsində isə, futbolçu Almaniyanın Potsdam şəhər təmsilmisi "Turbine"da oynayır. 2011/2012-ci illər sezonunda hücumçu 22 qol vuraraq Afrikanın ən yaxşı futbolçusu adını qazanmışdı.

Ölkə.Az