Fransaya immiqrasiya edənlər azalıb

Ölkədə immiqrantların sayı 2014-cü ildə 11, 4 faiz azalıb. Əgər 2013-cü ildə Fransaya 35.274 immiqrant gəlmişdisə, 2014-cü ildə onların sayı 31.265 nəfər təşkil edib. 

Fransa Statistika İnstitutunun məlumatına görə, Ötən il immiqrantların sayının azalması ailə motivi və immiqrasiyaya dair yeni sərt qaydaların tətbiq edilməsi ilə izah olunur. Fransanın iqtisadi vəziyyəti də immiqrantların sayının azalmasına təsir edən başlıca amillərdən biridir. İqtisadi vəziyyətə görə immiqrantlar arasında 2014-cü ildə 9, 4 faiz azalma müşahidə olunub. Qeyri-qanuni yolla Fransaya gələn 15.161 immiqrant geri qaytarılıb.

Fransada immiqrantların gəlişi azalsa da, ölkədə vətəndaşlıq statusu alanların sayı 2013-cü illə müqayisədə 10,9 faiz artıb.

Fransaya viza verilməsində də 12.4 faiz artım qeydə alınıb. Turizm və digər vizalarla gələnlərin sayı əvvəlki illərlə müqayisədə 2 milyon 700 nəfər artıq olub. Daha çox vizanın verildiyi ölkələr siyahısına Çin, Əlcəzair və Rusiya başçılıq edir. (AzərTac)

Ölkə.Az