Avropa Parlamenti Rusiyanı dövlət terrorizmində ittiham etdi

Avropa Parlamentinin dünən keçirilmiş geniş iclasında Rusiyanın Ukraynadakı fəaliyyəti və bu ölkənin müxtəlif güc struktirlarının Ukraynadakı hadisələrdəki rolu müzakirə olunub.

Ölkə.az "Euronews"a istinadən xəbər verir ki, Avropa Parlamenti Rusiyanın Ukraynaya qarşı aqressiyasını pisləyərək bunu "ekspansiya və işğal" adlandırıb. Donetsk ətrafındakı yaşayış məntəqələrindən birində sərnişin avtobusunun atəşə tutulması və 13 nəfərin ölməsi ilə nəticələnən hadisəyə də toxunan avropalı deputatlar sonda bəyanat veriblər.

İclasdan sonra yayılmış bəyanatda bildirilir ki, "Rusiya Ukraynada terroru, zorakılığı və separatizmi açıq şəkildə dəstəkləyərək Ukraynanın suverenliyinə qəsd edib. Ukrayna ərazisində gedən terror müharibəsinin əsas səbəbkarı Rusiyadır".

Ölkə.az