Erməni ekspert: "Rusiya ilə münasibətlərə yenidən baxılmalıdır"

"Əgər Ermənistanın Avrasiya İqtisadi Birliyinə daxil olması bu cür asanlıqla qəbul olunmasaydı, Rusiya tərəfi Ermənistanla bu cür həyasız davranmazdı"

Ölkə.Az "Armenia Today"a istinadən xəbər verir ki, bu barədə bu gün mətbuat konfransında hüquq müdafiəçisi Avetik İşxanyan bəyan edib.

Onun sözlərinə görə, Gümrüdə bir ailənin vəhşicəsinə qətlə yetirilməsindən sonra Rusiya prezidenti və müdafiə naziri başsağlığı verməli idi, lakin bunların heç biri edilmədi. Rusiya tərəfinin verdiyi başsağlığı yalnız ölkə vətəndaşlarının etirazlarından sonra verildi. Hüquq müdafiəçisi qeyd edib ki, Rusiyanın bu cür münasibətinin və ümumillikdə hazırki hadisələrin məsuliyyəti "Rusiyanın xoşuna gəlmək" üzrə yarışan qüvvələrin boynundadır.

Rəşid Mustafazadə

Ölkə.Az