Permyakov: "Mən sadəcə rus ordusundan..."

Gümrüdə bir erməni ailəsini məhv edən rus əsgəri ilkin ifadəsini verib.

Ölkə.az "LifeNews"a istinadən xəbər verir ki, Gümrüdəki Rusiyaya məxsus hərbi bazanın əsgəri Valeri Permyakov ilkin ifadəsində törətdiyi cinayətin detallarını açıqlayıb.

Agentlik xəbər verir ki, Permyakov öhdəsində olan avtomat silahı götürərək bazadan qaçıb. Gecə su içmək üçün erməni evinə girən Permyakovu evin həyətində, həm də əli silahlı görən ev sakinləri qorxub səs-küy salıblar. Səs-küyün böyüyəcəyindən, qonşuların oyanacağından və nəticədə ələ keçşə biləcəyindən qorxan rus əsgəri ev sakinlərini birdəfəlik susdurmaq qərarına gəlir.

Evə girərək avtomat silahla bütün ev sakinlərini soyuqqanlılıqla güllələyən Permyakov, daha sonra su içərək evi tərk edib. Daha sonra onu rus hərbçiləri Türkiyə-Rusiya sərhəddinə yaxın əraqzidə tutaraq geri bazaya gətiriblər.

Verdiyi ifadsəsində Permyakov erməni ailəsini öldürməyi planlamadığını, heç belə bir niyyətinin də olmadığını açıqlayıb. O bildirib ki, sadəcə rus ordusunda xidmət etmək istəmir və ordudan qaçmaq istəyirmiş.

Ölkə.az