Parisdə yenə girovlar götürülüb

Yenə terakt?

Ölkə.Az "BFMTV"ə istinadən xəbər verir ki, Fransanın Kolomb şəhərində naməlum şəxs poçt şöbəsində ən azı üç nəfəri girov götürüb. Hadisənin təfərrüatları araşdırılır. Hadisə yerinə onlarla polis cəlb olunub. Bildirilir ki, cinayətkar Kalaşnikov markalı avtomar, tapança ilə silahlanıb və üzərində bir neçə qumbara vardır.

Polislər bəyan edib ki, şübhəlinin şəxsiyyəti məlumdur və o, əvvəllər xırda qanun pozuntularına görə cinayət məsuliyyətinə cəlb olunub. Hal-hazırda cinayətkarla polis arasında danışıqlar gedir.

Qeyd edək ki, əldə edilən məlumata görə, hücumun terror fəaliyyəti ilə heç bir əlaqəsi yoxdur.

Rəşid Mustafazadə

Ölkə.Az