İŞİD imamı: "Böyük döyüşə hazır olun!"

İŞİD imamından çağırış.

Ölkə.Az xəbər verir ki, İŞİD terror təşkilatının imamı Əbu Əsaad Ənsari Mosulda böyük bir savaşın başlayacağını bəyan edib. Əbu Əsaad Ənsari dünən İŞİD təşkilatının işğal altındakı Nineva vilayətinin mərkəzi Mosulda Cümə xütbəsi verib.

"Rudaw"ın Mosuldakı qaynaqlarından əldə olunan məlumata görə, Ömər Bin Həttab Əhməd Camisindəki xütbədə Ənsari, "Fars qüvvələri" adlandırdığı İraq ordusu ilə peşmərgə qüvvələrinin Mosula böyük bir əməliyyat reallaşdıracağını təxmin edib.

İŞİD imamı müsəlmanlara səslənərək çağırış edib:

"Ya şəhid, ya qalib olacağımız bu böyük döyüşə hazır olun", - deyə Ənsari bəyan edib.

O, həmçinin, əməliyyatlarda casusların tapılaraq tutulacağını da əlavə edib.

Rəşid Mustafazadə

Ölkə.Az