Ərdoğanın əsgərinə sataşan dekan istefa verdi

Türkiyə universitetlərindən birində tibb fakültəsi dekanı “Twitter” sosial şəbəkəsindəki yazısına görə istefa verib. 

Dekan sosial şəbəkədə Türkiyə prezidenti Rəcəb Tayyib Ərdoğanın rəsmi iqamətgahı “Ak Saray”dakı 16 türk dövlətini təmsil edən əsgərlərdən birinə aid yazı paylaşıb. O, “Qızıl Orda” əsgərinə işarə edərək, “bu xalatla olan adam hansı bəyliyi təmsil edir, görəsən?” yazıb.

Dekan tezliklə öz yazısını silsə də, sosial mediada geniş müzakirə mövzusuna çevrilib. Bəziləri onun hətta rektor seçkilərinə təsir etmək üçün belə bir yazı paylaşdığını da deyib.

O isə bu sözləri yazmaqda heç bir xüsusi, düşünülmüş niyyətinin olmadığını bildirsə də söz-söhbət səngiməyib. Professor “gördüyüm işlər əvəzinə bir paylaşımla xatırlanmaq kədərləndirir” deyə bildirib. (anspress)

Ölkə.Az