Terrorçular uşaqları qaçırdı

"Boko Haram" başqa ölkələrdə insanları qaçırmağa başlayır.

Ölkə.Az "Reuters" agentliyinə istinadən xəbər verir ki, yanvarın 18-i Nigeriyada "Boko Haram" terror təşkilatının üzvləri Kamerunun ərazisinə soxulub.

Terrorçular burada təqribən 80 nəfəri qaçırıblar. Onlardan çoxu uşaqlar olub. Cinayətin törədilməsi zamanı girovlardan üçün dünyasını dəyişib."Boko Haram" üzvləri Kamerunun bir neçə kəndini gəzərək, çoxlu sayda girov götürüblər.

Xatırladaq ki, "Boko Haram" Nigeriyanın radikal islam qruplaşmasıdır. O, 2002-ci ildə Nigeriyanın şimalında Məhəmməd Yusif adlə şəxs tərəfindən yaradılıb. Təşkilatın əsas məqsədi bütün Nigeriya ərazisində şəriətin tətbiqi və Qərb həyat tərzinin silinməsidir. 2014-cü ilin may ayında "Boko Haram" BMT Təhlükəsizlik Şurası tərəfindən terror təşkilatları siyahısına salınıb.

Rəşid Mustafazadə

Ölkə.Az