İspaniyada terrorçuların lideri saxlandı

İspaniyada bask terrorçularının keçmiç lideri saxlanıb.

Ölkə.Az TASS agentliyinə istinad edərək xəbər verir ki, İspaniyanın şimalında Lasarte adlanan yerdə polis və vətəndaş qvardiyası ölkənin ən böyük bask terror təşkilatlarından biri olan ETA-nın lideri Santyaqo Arrospide Sarasolanı saxlayıb. O, daha çox "Santi Potros" ləqəbi ilə tanınırmış. Bu barədə məlumatı krallığın Daxili işlər nazirliyi yayıb.

Qurumun məlumatına görə, 67 yaşlı Sarasola 1987-ci ildə Barselonada Vətəndaş qvardiyası əleyhinə baş tutmuş terror aktında fəal iştirak edib. Terakt nəticəsində bir nəfər ölmüş, bir neçə şəxs isə yaralanmışdı.

Məhz bu səbəbdən məhkəmə onun həbs olunması qərarını verdi.

Rəşid Mustafazadə

Ölkə.Az