Dünyanı titrədəcək güc

Rusiya və İran hərbi əməkdaşlıq haqqında müqavilə imzalayıb.

Ölkə.Az TASS agentliyinə istinadən xəbər verir ki, bu gün Rusiya və İran hərbi əməkdaşlıq haqqında hökumətlərarası müqavilə imzalayıb. İran tərəfindən müdafiə naziri Hüseyn Dehqan, Rusiyadan isə Sergey Şoyqu iştirak edirdi.

Şoyqu qeyd edib ki, tərəflər qarşılıqlı maraqları müdafiə əks etdirən praktik tədbirlər kompleksini müzakirə edib və onların arasında nümayəndə heyətləri mübadiləsinin genişləndirilməsi, heyət danışıqlarının keçirilməsi və təlimlərdə müşahidəçi qismində iştirak yer alıb. Bundan əlavə, İran Qərb sanksiyalarına müqavimət göstərmək üçün Çin və Rusiya ilə əməkdaşlığı möhkəmləndirməyi planlaşdırır.

Xatırladaq ki, bir müddət öncə İranın neft nazirinin müavini bəyan etmişdi ki, Moskva onlar üçün strateji müttəfiqdir.

Rəşid Mustafazadə

Ölkə.Az