Çe Qevaranın nəvəsi öldü

O, Kuba inqilabını tənqid edirdi.

Ölkə.Az "The Latin American Herald Tribune"a istinad edərək xəbər verir ki, Meksikada məşhur inqilabçı Çe Qevaranın nəvəsi Kanek Sançes vəfat edib.

Yazıçı Kanek Sançes 40 yaşında ağır ürək əməliyyatından sonra Mexikoda dünyasını dəyişib. O, Çe Qevaranın qızı İldita və meksikalı Albeto Sançesin oğlu idi. Sançes Kuba inqilabını tənqid etməsi ilə məşhur idi. Onun fikrincə, bu inqilab nə demokratik, nə də kommunist idi. O, etiraf edirdi ki, əfsanəvi komandante ilə qohumluğundan sıxılırdı.

"Məşhur Çe Qevara ilə qohum olmağım məndən müəyyən davranış xətti tələb edir", - deyə Sançes bildirirdi.

Mərhum yazıçı daha çox azadlığı hər şeydən çox qiymətləndirən şüurlu eqoist həyatına üstünlük verirdi. Çe Qevara argentinalı marksist-inqilabçı və siyasətçi, Fidel Kastro ilə birlikdə Kuba və beynəlxalq inqilab hərəkatının rəhbərlərindən olmuşdu.

Rəşid Mustafazadə

Ölkə.Az