Erməni siyasətçi: "Biz Rusiyanın təhlükəsizliyinin qarantıyıq"

Ermənistan Mühafizəkarlar partiyasının lideri Mikael Ayrapetyan verdiyi bəyanatla hər kəsi şoka salıb.

Ölkə.az erməni mətbuatına istinadən xəbər verir ki, Gümrü hadisələrini şərh edən Ayrapetyan Ermənistanı Rusiyanın təhlükəsizliyinin qarantı adlandırıb.

Ayrapetyan erməni jurnalistlərə verdiyi müsahibəsində bildirib ki, Rusiya rəhbərliyi gözəl başa düşməlidir ki, onlar bizim yox, biz onların təhlükəsizliyinin qarantıyıq.

"Biz mühafizəkarlar 10 il bundan əvvəl Rusiyanın hərbi bazasının statusuna yenidən baxılması üçün məsələ qaldırmışıq. Bazanın ərazimizdə olması ABŞ, Abropa İttifaqı, İran və Türkiyənin maraqlarına tamamilə ziddir. Bazanı öz ərazimizdə yerləşdirməklə biz Rusiyanın təhlükəsizliyini qoruyuruq. Bu Rusiyaya ermənistandan daha çox lazımdır. Ruslar cənub sərhədlərinin Rostovda olmasına hazırdırlar? Əlbəttə ki, yox, biz hazırda Rusiya dövlətinin təhlükəsizliyinin əsas qarantılyıq", deyə Ayrapetyan bildirib.

Ölkə.az