Hindistanda Obama üçün sürpriz

Obamaya sui-qəsd hazırlanıb?

ABŞ prezidenti Barak Obama 25-27 yanvar tarixlərində Hindistanda rəsmi səfərdə olacaq. Onun gəlişinə təkcə xüsusi xidmət orqanları yox, həm də terror təşkilatları da hazırlaşır.

Terrorçuların hədəfi ölkənin cənubunda Mumbay yerləşən ən iri və zəngin, eyni zamanda ən çox ziyarətçisi olan Siddxivinak məbədi ola bilər. Bununla əlaqədar olaraq şəhər polisi yüksək hazırlıq vəziyyətinə gətirilib. Əməliyyat məlumatlarına əsasən, Pakistanın maliyyələşdirdiyi terrorçular artıq Hindistanın ərazisinə keçirilib. Güc strukturları əməkdaşlarının fikrincə, teraktın həyata keçirilməsinə cəhdin 27 yanvar, yəni, Qaneşin adına olan məbəddə daha çox induistin toplaşdığı vaxtda ediləcəyi güman edilir.

Dindarların kütləvi şəkildə qətlə yetirilməsindən əlavə, terrorçuların planına həm də məbəd xəzinəsinin qarət olunması daxildir. Siddxivinak məbədinin zirzəmisində 150 kilodan artıq qızıl və çoxlu sayda qiymətli
daş-qaş saxlanır.

ABŞ prezidenti Yeni Dehlidə Respublika günü münasibətilə təşkil edilmiş paradda iştirak edəcək. Tədbirin başlanmasından bir neçə saat öncə bütün yaxın hava limanları bağlanacaq.

Mənbə: Gudok.ru

Rəşid Mustafazadə

Ölkə.Az