Mübarəkin oğlanları sərbəst buraxıldı

Onların işi Kassasiya məhkəməsinin şikayəti üzrə yenidən baxılmaq üçün göndərilib.

Ölkə.Az TASS agentliyinə istinadən xəbər verir ki, Misirdə keçmiş prezident Hüsni Mübarəkin korrupsiyada ittiham olunan oğlanları həbsdən azad edilib. Bildirilir ki, qərar cümə axşamı Məhəmməd Amero Qadonun başçılığı altında Qahirənin cinayət məhkəməsinin hakimlər kollegiyası tərəfindən qəbul edilib. Alaa və Qamanın işi Kassasiya məhkəməsinin şikayəti üzrə yenidən baxılmaq üçün göndərilib.

Hüsni mübarək və oğlanları ölkə başçısının rezidensiyasının restavrasiya olunması üçün ayrılmış dövlət vəsaitinin mənimsənməsində ittiham olunurdu. Təhqiqat nəticəsində müəyyən olunmuşdu ki, 2002-2011-ci illərdə dövlət xəzinəsindən 18 milyon dollar oğurlanmışdı.

Qeyd edək ki, Hüsni Mübarək fevralda kütləvi anti-hökumət nümayişçiləri zamanı keçmiş daxili işlər nazirinə etirazçılara atəş açmaq əmri verməkdə və korrupsiyada ittiham olunmuşdu.Fevralın 11-də Hüsni Mübarəkin devrilməsi ilə nəticələnmiş 18 günlük kütləvi nümayişlərdə 800-dən çox adam ölmüşdü.

Rəşid Mustafazadə

Ölkə.Az