Türkiyəli alpinistlər itkin düşdü

Yunanıstanın şimalında yerləşən Pieria dağlarında 12 nəfər türkiyəli alpinist itkin düşüb. 

Avropa İttifaqının fövqəladə hallar xidmətinə zəng vuran alpinistlərin yerləşdikləri yerin dəqiq koordinatlarını müəyyənləşdirmək mümkün olmayıb.

İlkin ehtimala görə, alpinistlər Katerini şəhərindən 20 kilometr şimal-qərbə doğru irəlilədikdən sonra azıblar.

Alpinistlərin yerləşdikləri ərazidə tez-tez qar uçqunlarının baş verməsi onların həyatı üçün təhlükə riskini yaradır.

Axtarış–xilasetmə işlərinə başlanıldığı bildirilir. (AzərTAc)

Ölkə.Az