İŞİD yapon girovu iraqlı terrorçu qadınla dəyişmək istəyir
“The İndependent“ sensasion məqamlar açıqlayıb
“The İndependent“ qəzeti İŞİD-ın girov götürdüyü yaponlarla bağlı sensasion məqamlar açıqlayıb. Məlum olub ki, İŞİD 40 yaşlı iraqlı terrorçu qadın Mübarək əl-Rişavi (Sajida Mubarak Atrous al-Rishawi) ilə hələ ki, sağ saxlanılan bir yapon girovu dəyişmək fikirindədir. Həmin qadın 2005-ci ildə İordaniyanın paytaxtı Ammanda noyabr ayında belinə bağladığı şəhid kəmərini partlatmaq istəyərkən, yaxalanıb. O, “ Radisson SAS“ hotelində keçirilən toy məçlisində əri ilə birlikdə partlayış törətməliydi.
47 yaşlı Kenji Qoto Coqonun ailəsinə audio mesaj daxil olub. Mesajda deyilir ki, əgər İordaniya hökuməti iraqlı qadını buraxsa, onlar da yapon əsiri azad edəcəklər.
Qəzet yazır ki, artıq 42 yaşlı Haruana Yukavanın öldürülməsi birmənalı olaraq təsdiq olunur.
O da qeyd olunur ki, 2005-ci ildə Ammanda hoteldə olmuş partlayışlarda 60 nəfər ölüb. Həmin hadisədən 5 gün əvvəl isə İraqdan olan ər-arvad partlayış törətmək üçün saxta pasportla İordaniya paytaxtına gəlmişdi.
Ancaq partlayış zamanı gözlənilməz hadisə baş verir. Əri görür ki, arvadı bombanı partlatmaqda çətinlik çəkir. Çünki kodu düz yığmır. O, arvadını ziyafət zalından kənara çıxarır və öz üzərində olan şəhid kəmərin partladır, nəticədə onlarla adam ölür.
İraqlı qadın həmin vaxtı İordaniya TV kanalına belə demişdi: „Mənim ərim partlayışı həyata keçirdi. Ondan öncə mən cəhd etdim, amma uğur qazana bilmədim. Partlayışdan sonra insanlar qaçmağa başladı, mən də onlara qoşuldum“.
Mübarək əl-Rişavi İordaniyada ömürlük həbsə məhküm edilib.
“Noyabrın 5-də mən ərimi İordaniyaya müşayiət etdim. Bizdə saxta İraq pasportları var. Ərim Əli Hüseyn Əli mən isə Sacida Abdul Qədir Lətif adıyıa Ammana daxil olduq. Biz bir ev kirayə etdik. Ərimdə iki ədəd şəhid kəməri vardı. O, onlardan birini öz belinə, digərini isə mənim belimə bağladı. Biz noyabrın 9-da hotelə daxil olduq. Ərim otelin bir tərəfinə, mən isə tamam əks istiqamətdə getdim. Toy idi. Uşaqlar, qadınlar, kişilər hotelin içərisində idi. Mənim ərim öz şəhid kəmərini partlatdı, ancaq mənim bütün cəhdlərim uğursuz oldu. Partlayışdan sonra insanlar qaçanda, mən də onlara qoşuldum”. (musavat)
Ölkə.Az
