"Ən-Nusra" Suriya ordusunun hərbi bazasını ələ keçirdi

Ölkə.az xəbər verir ki, suriyalı müxaliflər ölkənin Dera vilayətində yerləşən hərbi bazanı ələ keçiriblər.

İordaniya ilə sərhəddə yaxın bölgədə yerləşən Suriya ordusunun 82-ci briqadasının bazası sayı 300 nəfərdən çox olduğu güman edilən müxalif döyüşçülər tərəfindən ələ keçirilib.

Məlumata görə, baza Dəməşq-Amman üzərində çox strateji əhəmiyyətli bir mövqedə yerləşir.

Müxaliflərin I Ordusunun komandanı Sabir Səfər "Reuters" agentliyinə verdiyi açıqlamasında bazanın ələ keçirildiyi xəbərini təsdiq edib və əlavə edib ki, bu hərbi baza Əsəd ordusunu cənubdakı birləşmələri ilə bağlayan strateji əhəmiyyətli bir məntəqədir.

Ölkə.az