Azərbaycanlı həyatını təhlükəyə ataraq türk polisini xilas etdi

"Düz başımın yanından güllə keçdi".

Azərbaycanlı Türkiyədə yaralı polisi xilas etdi.

Ölkə.Az xəbər verir ki, anspress-in Türkiyə mətbuatına istinadla verdiyi məlumata görə, İstanbulun Bahçelievlər səmtində narkotik aludəçisi olan şəxs silahı ilə ətrafa atəş açmağa başlayıb.

Bahçelievlerdə bir polisi yaralayan şəxs bir nəfəri də girov götürüb.

Hadisənin şahidi isə Naib adlı azərbaycanlı olub. "Cihan" agentliyinin məlumatına görə, Naib adını bilmədiyi şəxsin polisi girov götürdüyünü deyib.

"O, polisin boynundan tutaraq onu içəri doğru apardı. İçəridən atəş səsləri gəldiyi üçün hamı dağılışdı. Polis yaralı halda yerə yıxıldı. Qışqırıq səsləri yayıldı, heç kim yardıma getmədi. Dəmirlərin altından sürünərək polisi təhlükəsiz yerə çıxardım. Bu anda düz başımın yanında güllə keçdi. Daha sonra polisi təcili yardım yanına gətirdim. Bu zaman iki fəhlə də mənə kömək etdi".

Polis həmkarlarını və başqa bir nəfəri yaralayan şəxsi yaxalamaq üçün əməliyyat keçirib. Saxlanılan şəxsin narkotik maddə istifadəçisi olduğu bəlli olub.

Ölkə.Az