Rusiya heyətini AŞPA-nın iclasına buraxmadılar

AŞPA-nın büro iclası Rusiya heyətinin iştirakı olmadan keçirilir.

Ölkə.az "Euronews"a istinadən xəbər verir ki, bunu Rusiya dövlət dumasının komitə sədri Leonid Sluçki Strasburqa jurnalistlərə müsahibəsi zamanı deyib.

"Büro iclasında rus deputatlar yoxdur. Bizim nümayəndə heyəti də sanksiyalara məruz qalıb", deyə Sluçki bildirib.

AŞPA-nın Ukraynadan olan üzvləri isə iclasa üzərində "Savçenkonu azad edin!" şüarı yazılmış köynəkdə gəliblər.

Xatırladırıq ki, ukraynalı Nadejda Savçenko Luqanskda separatçılara əsir düşmüşdü və daha sonra onu Rusiyaya aparmışdılar. Hazlrda Savçenko Voronej şəhərindəki təcridxanalardan birində saxlanılır.

Ölkə.az