Ermənistan Türkiyəni yenə ittiham etdi

“Heç bir irəliləyiş olmadı”.

Rəsmi İrəvan Türkiyəni qeyri-konstruktivlikdə ittiham edib.

Ermənistanın Xarici İşlər Nazirliyi illik hesabatında bildirib ki, 2014-cü ildə Ermənistan-Türkiyə münasibətlərində heç bir irəliləyiş olmayıb.

Ermənistan XİN-i bir daha Türkiyəni ittiham edərək, buna səbəb kimi rəsmi Ankaranın qeyri-konstruktiv mövqeyini göstərib.

Xatırladaq ki, bu yaxınlarda Türkiyənin Baş naziri Əhməd Davudoğlu 2015-ci ildə Türkiyə-Ermənistan münasibətlərinin normallaşdırılmasının tərəfdarı olduğunu bəyan edib.

Türkiyə və Ermənistan arasında diplomatik münasibətlər yoxdur. İki ölkə arasında 330 kilometrlik sərhəd 1993-cü ildən Ankaranın təşəbbüsü ilə bağlanıb. Ölkələr arasında çətin münasibətlər Türkiyənin Dağlıq Qarabağ məsələsində Azərbaycanın mövqeyini dəstəkləməsi və qondarma “erməni soyqırımı”nın beynəlxalq tanınmasına Ankaranın kəskin reaksiyası ilə bağlıdır./Oxu.az/

Ölkə.Az