"Facebook"un çökməsinin səbəbi bilindi

Niyə Facebook və Instagram bağlanmışdı?

Ölkə.Az Reuters agentliyinə istinadən xəbər verir ki, hakerlər Facebook və Instagram şəbəkələrinin çökməsinə görə məsuliyyəti üzərilərinə götürüblər. Lizard Squad hakerlər qrupu Facebook və Instagramda yaranan problemlərə görə məsuliyyəti üzərinə götürüb. Hələlik Facebook şirkəti hadisəni şərh etməyib.

Xatırladaq ki, bu gün səhər saat 10-11 radələrində dünyanın ən iri sosial şəbəkə hesabları olan Facebook və İnstagrama girişdə problemlər yaranmışdı. Azərbaycanda şəbəkələrə giriş zamanı qeydə alınan problemlər dünyanın bir çox ölkələrində də müşahidə olunmuşdu. Təqribən yarımsaat sonra problem aradan qaldırılmışdı.

Ölkə.Az