Facebook haker hücumunun olmadığını bəyan etdi

Facebook yayılan xəbərləri təkzib edib.

Ölkə.Az xəbər verir ki, Facebook şirkəti Instagram və Facebookda bir saatlıq problemin yaşanmasının proqram təminatında daxili xəta ilə bağlı olduğunu bildirib.

Facebook nümayəndələri servisin haker hücumu səbəbindən bağlanması barədə yayılan xəbərlərin həqiqətə uyğun olmadıqlarını bəyan ediblər.

Xatırladaq ki, bir müddət öncə Lizard Squad haker qrupu Twitter hesabında bəyan etmişdi ki, Facebook, Instagram, AIM, Hipchatt və Tinderi sındırıb. Əvvəllər sözügedən qrup İŞİD adından hərəkət etdiyini deyərək, Malaysia Airlines aviaşirkətinin saytını dağıtmışdı.

Rəşid Mustafazadə

Ölkə.Az