8 terrorçu həbs olundu

Fransada polis anti-terror əməliyatları zamanı İŞİD silahlıları ilə əlaqədar olduğu ehtimal edilən şəbəkəni zərərsizləşdirib. Lünel şəhərində baş tutan əməliyyatlar zamanı azı 5 nəfər həbs olunub. Polis saxlanılan şəxslərin Suriya və İraqda döyüşməsi üçün könüllü dəstələr toplamaq fəaliyyəti ilə məşğul olduğunu bildirib. Onlardan bir neçəsi özləri də Suriyada döyüşlərdə olub.

Ölkənin daxil işlər naziri Bernar Kaznöv əməliyyatlar barədə çıxşında Fransaya geri qayıdan mücahidlərin ölkə üçün ciddi təhlükə mənbəyinə çevrildiyini deyib.

“Ümumilikdə, mücahidlərlə əlaqədar 161 məhkəmə işi açılıb ki, bu məhkəmə işi çərçivəsində 547 nəfər ittiham olunur. Onlardan artıq 75 nəfər həbs edilib. 90 nəfərə isə, ilkin ittiham irəli sürülüb. Polis və ədliyyə rəsmiləri terrorizmə qarşı mübarizədə sıx əməkdaşlıq şəraitində fəaliyyət göstərirlər”.

Fransada sonuncu dəfə Məhəmməd peyğəmbərin karikaturasını dərc edən “Charlie Hebdo” jurnalının redaksiyası, eyni zamanda, yəhudi mağazası hücuma məruz qalmış, nəticədə 17 nəfər öldürülmüşdü.

Fransa ilə yanaşı, Belçikada da terrorçu qruplaşma ilə əlaqədar olduğu ehtimal edilən 3 nəfər saxlanılıb. Polis şübhəlilərin üzərində silah aşkarlayıb. Polis şübhəlilərin şəxsiyyətini müəyyənləşdirmə istiqmətində araşdırma başladıb./Anspress/

Ölkə.Az