Apple sevənlər üçün şad xəbər

Apple yeni rekord vurub.

Ölkə.Az xəbər verir ki, Apple şirkəti 2014-cü ilin son rübündə gəlir rekordunu təzələyə bilib. Belə ki, şirkətin gəliri 18 milyar dollar olub.

Apple şirkətinin gəlir rekordunu təzələməsi iPhone-6-nın sayəsində mümkün olub. Bildirilir ki, təkcə 2014-cü ilin sonlarında bu modeldən 74 milyon ədəd satılıb. iPhone-6 daha çox Çində populyardır. Burada satış səviyyəsi ötən illə müqayisədə 70% artıb.

Buna baxmayaraq, iPad planşetlərinin satışı sürətlə aşağı düşür. Onların satış səviyyəsi 2013-cü ildən fərqli olaraq 18% enib.

Qeyd edək ki, Apple Watch adlı ağıllı saatlar 2015-ci ilin aprel ayında satışa çıxarılacaq. Bu məhsul da yüksək satış göstəriciləri vəd edir.

Rəşid Mustafazadə

Ölkə.Az