Bill Geyts buna görə özünü axmaq hesab edir

Bill Geyts: "Özümü xeyli kifayət qədər axmaq hesab edirəm".

Ölkə.Az xəbər verir ki, Microsoft şirkətinin təsisçisi Bill Geyts xarici dilləri bilmədiyinə görə özünü axmaq hesab etdiyini etiraf edib. O, bu barədə Reddit servisinin istifadəçiləri ilə onlayn yazışma zamanı bəyan edib.

"Mən xarici dilləri bilmədiyimə görə özümü axmaq hesab edirəm. Mən məktəbdə latın və yunan dillərini öyrənir və əla qiymətlər alırdım. Düşünürəm ki, bu mənə söz ehtiyatımı zənginləşdirməyə imkan verdi, lakin mən ərəb, fransız və ya çin dilini bilmək istəyərdim", - deyə Geyts bildirib.

O, həmçinin qeyd edib ki, bu dillərdən birinin öyrənilməsi üçün vaxt tapacağına ümid edir.

"Çox güman ki, bu fransız dili olacaq, çünki o, ən asan dildir. Mən Duolingo servisi vasitəsilə dil öyrənməyə cəhd etmişəm və bunu mütəmadi etmişəm", - deyə şirkətin təsisçisi əlavə edib.

Ötən ilin oktyabr ayında Facebook sahibi Mark Zukerberqin çin dilində sərbəst danışığını nümayiş etdirməsinə toxunan Geyts qeyd edib ki, bunu inanılmaz nailiyyət hesab edir.

Qeyd edək ki, Üçüncü Uilyam Henri Bill Geyts dünyanın ən varlı şəxslərindən biri və Microsoft şirkətinin yaradıcısıdır (Pol Allen ilə birlikdə). O, 2008-ci ilin iyun ayında şirkətin İdarə Heyəti sədrliyindən istefa vermişdi və 2010-cu ilə qədər dünyanın ən varlı şəxsi idi.

Rəşid Mustafazadə

Ölkə.Az