Bu qadınla sevgili olacaq şəxsə ildə 60 min funt sterlinq ödənəcək
“Ölkə.Az” xəbər verir ki, 23 yaşlı qadın milyonçu olduqdan sonra yaşadığı sevgi münasibətlərində xoşbəxt olmadığını, bu səbəbdən də onu həqiqətən sevəcək şəxsə ildə 60 min funt sterlinq ödəməyə hazır olduğunu bəyan edib.
23 yaşlı lotoreya milyonçusu Ceyn cek-potu qazandıqdan sonra bütün sevgilərini ümidsiz şəkildə sonlandırıb. “Daily Mirror” qəzetinə müsahibə verən milyonçunun yaxını bildirib ki, Ceyn onunla münasibət quran şəxslər əsasən qızın bankdakı pulunu sevir. Buna görə də sevgidən əmin olmayan Ceyn münasibəti bitirir və tənha yaşamaq məcburiyyətində qalır.
Ceyn hazırda ona sadiq qalacaq adama ildə 60 min funt sterlinq ödəməyə hazır olduğunu bildirib.
17 yaşı olanda lotoreyada 1 milyon funt sterlinq udan Ceyn televiziya ulduzu Sem Kallahan ilə sevgili olub. Sem Ceynə xəyanət etdikdən sonra ayrılıblar.
Ceyn internet səhifəsi vasitəsilə onunla sevgili olmağa namizəd olanlarla görüşüb kiminlə evlənəcəyinə qərar verəcək.
Ölkə.Az
