Şimali Koreya düyü, qarğıdalı və gübrə tələb etdi

Şimali Koreya Seulla danışıqların şərti üçün 10 milyard dollar tələb edib.

Ölkə.Az Reuters agentliyinə istinadən xəbər verir ki, Şimali Koreya Cənubi Koreya ilə yüksək səviyyəli danışıqların şərti kimi 10 milyard dollar və 500 min ton məhsul tələb edib. Cənubi Koreyanın keçmiş prezidenti Li Men Bak gələn həftə nəşr olunacaq kitabında yazıb ki, Seul bu şərtlə razılaşmayıb.

"Biz danışıqlar üçün sövlələşməməliyik", - deyə Li Men Bak hesab edir.

Reuters agentliyinin nəzarətində olan sənəddəki siyahıya 400 min ton düyü, 100 min ton qarğıdalı, 300 min ton gübrə və şəxsi bankın yaradılması üçün 10 milyard dollar əks etdirilib.

Rəşid Mustafazadə

Ölkə.Az