Qorbaçov: "ABŞ Rusiyanı "soyuq müharibəyə" sürükləyib"

Qorbaçov bəyan edib ki, ABŞ Rusiyanı "qaynar müharibəyə" sürükləyə bilər.

Ölkə.Az İnterfaks agentliyinə istinadən xəbər verir ki, SSRİ-nin sabiq prezidenti Mixail Qorbaçovun fikrincə, ABŞ riskə gedərək Rusiyanı "qaynar müharibəyə" sürükləyə bilər.

"İndi Avropa İttifaqı və Amerikadan Rusiyaya qarşı sanksiyalar barədə danışılır. Bəyəm, onlar başlarını tamamilə itiriblər? Amerika ümumiyyətlə cəngəlliklərdə azıb və bizi də ora sürükləyir", - deyə Qorbaçov bildirib.

O, qeyd edib ki, ABŞ artıq Rusiyanı "soyuq müharibəyə" sürükləyib.

"Bu bizi hara aparacaq? "Soyuq müharibə" açıq şəkildə gedir. Bəs, sonrası? Təəssüf ki, mən artıq əminliklə deyə bilmərək ki, "soyuq müharibə" "qaynar müharibəyə" çevrilməyəcək. Qorxuram ki, onlar risk edə bilər", - deyə Qorbaçov qeyd edib.

Xatırladaq ki, bir müddət əvvəl Qorbaçov Avropada irimiqyaslı müharibənin başlanması ilə bağlı suala cavab olaraq bildirmişdi ki, bu barədə düşünmək belə olmaz, çünki bu cür müharibənin nüvə savaşına çevriləcəyi qaçılmazdır.

Rəşid Mustafazadə

Ölkə.Az