Mətn ölçüsü:
  • 100%

Belarus Avrasiya İqtisadi Birliyindən çıxa bilər

“Rusiyanın torpaqlarına iddia etmək üçün axmaq olmaq lazımdır”.

Belarus Prezidenti Aleksandr Lukaşenko ölkəsinin Avrasiya İqtisadi Birliyindən (AİB) çıxa biləcəyini istisna etmir.

Onun sözlərinə görə, ticari münasibətlərin inkişafının bu cür variantı Rusiya ilə ticarət müharibəsinin davam edəcəyi halda mümkündür. Lukaşenko xatırladıb ki, Rusiyada qadağan olunmuş Avropa Birliyi məhsullarının təkrar ixracına şübhələrə görə Moskva Belarusdan tədarüklərə məhdudiyyət qoyurdu.

Lukaşenko, öz növbəsində, məhdudiyyətləri AİB-in qaydalarının pozulması hesab edir.
“Əgər sazişə riayət olunmasa, o zaman Belarus özünün AİB-dən çıxmasını istisna etmir”, - o bəyan edib.

Onun sözlərinə görə, Rusiyanın torpaqlarına iddia etmək üçün axmaq olmaq lazımdır.
“Bu real deyil. Sakitləşmək və başa düşmək lazımdır ki, bu zarafat idi. Lakin əgər məndən sonra kimsə ağlını itirsə, fikirləşirəm ki, Belarus xalqı ona bu cür davranmağa imkan verməyəcək”, - o deyib./Oxu.az/

Ölkə.Az